Gratis foredrag i Det Grønlandske Hus i Aalborg - en del af Gør Maj Sund 2024
Aluukkut,
Heidimik ateqarpunga, Københavnimi Sexologitut Aappariinnullu siunnersuisutut ilinniarsimasuuvunga, maannalu NLP-Master Coachitut ilinniarlunga.
2020-2023 Ilulissani najugaqarlunga avannaani saqqummiisarsimavunga sammisat atoqatigiinneq inooqatigiinnerlu sammivii arlallit oqaluttuarisarlugit, meeqqallu atuarfianni seksualundervisningertitsisarsimallunga.
Nuannaarutigalugu nalunaarutigissavara Aalborgimi Kalaallit Illuat saqqummiinissannut aggersarmannga marlunngornermi 7.maj piviusunngortissagatsigu.
Sammisat ilai saqqummiussassakka:
Inoqatinut attaveqariaatsit peruussarisimasavut qanoq aappariinnermi sunniuteqarsinnaanerat, qanorlu tamanna ilisimalerlugu atorneqarsinnaanera
Oqaloqatigeeriaatsit; qanoq oqqateqqajaaneq eqqumaffigilerneqarsinnaanersoq assortuunnerlu aallartinnginnerani unitsinneqarsinnaanera
Asannittariaatsit
Sekusaliteti peqqissoq suua, qanorlu isikkoqarsinnaava?
Killissat, akuerseqatigiinneq, social mediat pornulu sunniutai
Ilisimatitsissutigissavarput saqqummiineq kalaallisut ingerlanneqarumaarmat.
Neriuppunga takujumaartugut, aggialluarisi!☀️
Dansk:
Den 7. maj får vi besøg af sexolog og parterapeut Heidi Sikemsen, som holder et foredrag om bl.a. sunde relationer, seksuel sundhed og tilknytningsmønstre. Der bliver også mulighed for at stille spørgsmål. Alle er velkomne og det er gratis.
Foredraget foregår på grønlandsk.